Татарстан районнарында өлкәннәр һәм инвалидларны озак вакыт тәрбияләү-карау системасы актив рәвештә гамәлгә кертелә
29 июль көнне Лениногорск муниципаль районында озак вакыт тәрбияләү-карау системасы проектын гамәлгә кертү уңаеннан "Исток-Башлангыч" халыкка социаль хезмәт күрсәтү комплекслы үзәге социаль һәм медицина хезмәткәрләре белән беренче дәрес узды.
Дәресләрне "Картлык шатлыкка" хәйрия фонды базасында Мәскәү шәһәрендә аз хәрәкәтле гражданнарны карауны оештыру буенча укыган тренер Әхмәтшина Венера алып бара. Беренче чиратта цикл 4 укыту семинарыннан тора, алар даими урын-җир режимында булган социаль хезмәтләр алучылар белән эшли.
Беренче дәрестә социаль хезмәткәрләр озак вакыт тәрбияләү-карау системасы, аның бурычлары белән танышты, "кинестетика" төшенчәсе турында белделәр. Дәреснең гамәли өлешендә тренер тәрбияләнүченең урын өстендә йөрү кагыйдәләренә өйрәтте. Мондый күнекмәләр хәрәкәт итү мөмкинлекләре чикле гражданнар өчен куркынычсыз итәргә һәм карый торган персоналның хезмәтен җиңеләйтергә тиеш.