Чистайда "Демография" илкүләм проектын гамәлгә ашыру уңаеннан йөкле хатын-кызларны кабул итү алып барыла

2019 елның 25 июле, пәнҗешәмбе

Йөклелек якыннарыңнан гына түгел, дәүләттән дә ярдәм таләп итә торган үзенчәлекле халәт булып тора. Чөнки хатын-кыз мондый вакытта мораль һәм финанс ярдәменә мохтаҗ.

Дәүләт дәрәҗәсендә хатын-кызларга йөклелек чорында  һәм баланы тудыру өчен максималь уңай шартлар тудыру максатыннан кайбер ташламалар һәм гарантияләр каралган. Нәкъ менә шундый сораулар буенча hәм "Демография" илкүләм проектын гамәлгә ашыру уңаеннан Чистай муниципаль районындагы “Балкыш” халыкка комплекслы социаль хезмәт күрсәтү үзәге белгечләре гаилә һәм балаларга социаль ярдәм күрсәтү бүлеге базасында көн саен хатын-кызлар консультациясенә исәпкә баскан хатын-кызларны кабул итү, консультация бирү һәм белешмәлекләр тапшыру алып барыла.