Казанда "БДБ илләрендә яшьләрнең мәшгульлеге өлкәсендә партнерлык" проекты уңаеннан субрегион конференция уза
2 нче июльдән 5 нче июльгә кадәр Татарстан башкаласында "БДБ илләрендә яшьләр мәшгульлеге өлкәсендә партнерлык" проекты кысаларында "Хезмәт һәм яшьләр мәшгульлеге өлкәсендә гендер тигезлеге" субрегион конференциясе уза.
Конференциянең беренче көнендә катнашучыларга Россия Федерациясе Дәүләт Думасы депутаты, Хезмәт, социаль сәясәт һәм ветераннар эшләре комитеты әгъзасы Ольга Павлова һәм Татарстан Республикасы премьер-министрының беренче урынбасары Рөстәм Нигъмәтуллин мөрәҗәгать итте.
Конференция хезмәтне саклау өлкәсенең киләчәк мәсьәләләре буенча глобаль комиссия нотыгыннан башланды, аны мәшгульлек мәсьәләләре буенча баш белгеч Михаил Пушкин тәкъдим итте.
Чара кысаларында Татарстан Республикасы Хезмәт, халыкны эш белән тәэмин итү һәм социаль яклау министры Эльмира Зарипова яшьләр мәшгульлеге һәм хезмәт өлкәсе киләчәге турында сөйләде.
Шулай ук БДБның кайбер илләре мисалында хезмәт һәм яшьләр мәшгульлеге өлкәсендә гендер тигезлеге темасына хисаплар тыңланды. Конференциянең беренче көне яшьләр арасында гендер тигезлеге һәм мәшгульлеге мәсьәләләре буенча илләр тәҗрибәсе турында фикер алышу һәм тәкъдимнәр эшләү белән тәмамланды.
Бүген конференция кысаларында Яшьләр эш белән тәэмин итү өчен "Гендер тигезлегенә юнәлештә квант сикереш" муниципаль берәмлеге докладының актуальлеге, яшьләр мәшгульлегенә ярдәм итү мәсьәләләре, чакырулар һәм җавап чаралары хакында фикер алышачаклар.