Түбән Кама балалары янгын куркынычсызлыгы кагыйдәләрен кабатлады
Каникул вакытында балаларның ялын һәм мәшгульлеген оештыру уңаеннан сәламәтлек мөмкинлекләре чикле 17 бала һәм аларның әти-әниләре өчен Түбән Каманың "Веста" гаилә һәм балаларга социаль ярдәм үзәге белгечләре 62нче янгын бүлегенә экскурсия оештырды.
Экскурсия янгын часте музее белән танышудан башланды. Хезмәткәр балаларга оешмада үз-үзеңне тоту кагыйдәләре турында сөйләде, экскурсантлар күрсәтте. Шулай ук, беренче залга алып барды, анда янгын сагы үсеше тарихы, янгын чыгу сәбәпләре һәм янгын сүндерү алымнары турында бәян иттеләр.
Балалар янгын вакытында үзеңне ничек дөрес тотарга, янгын чыгуга юл куймаска, бу хакта телефон аша ничек дөрес итеп хәбәр итәргә кирәклеге турында бик күп файдалы мәгълүмат алдылар.
Экскурсияне дәвам итеп, балаларга шырпы белән куллану куркынычы тудырган мультипликацион фильм күрсәтелде. Экскурсовод янгын сүндерү машиналарының җиһазландырылуы турында сөйләде, ә катнашучылар машиналарда утырып карау мөмкинлегенә ия булды.
Экскурсия балалар өчен генә түгел, ата-аналар өчен дә кызыклы булды. Экскурсантлар бик күп уңай эмоцияләр, тәэсирләр алды, янгын куркынычсызлыгы турында белемнәрен ныгыттылар, янгын сүндерү бүлеге хезмәткәрләренә рәхмәт белдерделәр.