"Астра" үзәгендә "Янгын вакытында үз-үзеңне тоту кагыйдәләре” танып-белү сәгате үткәрелде
28 июньдә Алабуга "Астра" мөмкинлекләре чиклебалалар һәм яшүсмерләр тернәкләндерү үзәгендә балалар һәм аларның әти-әниләре өчен “Янгын вакытында кешенең үз-үзен тоту кагыйдәләре” дигән танып-белү сәгате үткәрелде.
Чараның максаты янгын куркынычсызлыгы кагыйдәләрен белү.
Балалар йортта янгын чыгу факторлары белән танышты. Шулай ук “Йортта янгын булса, кеше нишләргә тиеш” дигән видео ролик күрсәтелде.Төрле сораулар каралды:Өйдә янгын вакытында үз-үзеңне тоту кагыйдәләре һәм янган бинадан эвакуацияләү ысуллары, янгынның кешеләргә зарар китерә торган факторлары, янгын сүндерү хезмәткәрләренең телефон номерлары.
Алынган белемнәр балаларга һәм ата-аналарга мондый хәлләрдә дөрес эш итәргә, тынычлыкны сакларга һәм янгын вакытында үз гамәлләрен аек бәяләргә ярдәм итәчәк.