"Балкыш" приютында тәрбияләнүчеләр үз шәһәре мәдәнияте белән таныша
"Кояшлы шәһәр" программасы уңаеннан "Балкыш" приюты карамагындагы балалар китапханәгә экскурсия ясады. Анда китапханәче Әхмәтшина Лилия балалар өчен Түбән Кама шәһәре турында кызыклы лекторий әзерләде.
Әлеге чараның төп максаты балаларның үз шәһәрләре, аның истәлекле урыннары, мактаулы гражданнар турындагы күзаллауларын киңәйтү.
Балалар Түбән Кама гербы һәм флаг бизәге әһәмияте белән таныштылар. Түбән Кама гербында зәңгәр төс белән Кама елгасы күрсәтелгән, ул шәһәр исемен биргән, нарат һәм кояш сурәтләре тормыш өчен уңай табигый шартлар, очучы кошлар - рухи күтәрелеш, энергия символы булып тора. Көмеш-чишмә суының чисталыгы, игелек. Алтын - уңыш, байлык символы .
"5 нче номерлы китапханәнең барлык хезмәткәрләренә, җылы кабул итүләре һәм Түбән Кама турында танып-белү экскурсиясе өчен рәхмәт", - дип нәтиҗә ясады тәрбиячеләр.