Алабуганың инвалид-балалары һөнәрләр дөньясын өйрәнә

"Ориентир "Кинотеатрлар" проекты уңаеннан Алабуга шәһәре халыкны эш белән тәэмин итү үзәге профконсультанты "Астра" мөмкинлекләре чикле балалар һәм яшүсмерләр тернәкләндерү үзәгендә "Һөнәрләр әлифбасы" дигән дәрес үткәрде.

Чараның максаты балаларны һөнәрләр дөньясы белән таныштыру, эшче һөнәрләр турында күзаллауларны киңәйтү. Шул ук вакытта сәламәтлек мөмкинлекләре чикләнгән яшүсмерләр үзләштерә ала торган һөнәрләргә аерым игътибар бирелде.

Дәрес башында балалар  уен формасында табышмаклар чишеп әңгәмәдә катнашты. Мультфильмнар ярдәмендә реабилитантлар халыкны эш белән тәэмин итү үзәге эше, эшче һөнәрләрнең үзенчәлекләре турында белделәр. Иң актив катнашучылар призлар алды.