"Шәфкать" тернәкләндерү үзәгендә медицина сәгате

2019 елның 17 июне, дүшәмбе

Шушы көннәрдә Кукмара муниципаль районындагы “Шәфкать”  мөмкинлекләре чикле балалар һәм тернәкләндерү  үзәгендә  шәфкать туташы Д.Гайнанова  "Ашказаны-эчәк авыруларын профилактикалау" темасына балалар өчен чираттагы "Медицина сәгате" үткәрде.

Әлеге әңгәмәнең максаты балаларда шәхси гигиена турында белемнәр формалаштыруга ярдәм итү.

Балалар ашау алдыннан кулларны сабын белән юарга, җиләк-җимеш һәм яшелчәне юып ашарга, яраклылыгы чыккан азык-төлекне кулланмаска, кайнаган су эчәргә тиеш икәнен белде.

Балалар мәгълүматны зур игътибар белән тыңлады һәм медицина хезмәткәренең сорауларына җавап биреп, актив катнаштылар.