Ел башыннан бирле Татарстанда 100 дән артык инвалид эшкә урнашкан

2012 елның 8 августы, чәршәмбе
Татарстанда республиканың хезмәт базарындагы киеренкелекне киметүгә юнәлдерелгән өстәмә чаралар буенча төбәк программасын тормышка ашыру дәвам итә. Бу елны эш бирүчеләр тарафыннан инвалидлар өчен 352 эш урыны булдыру күздә тотыла. Шулай ук бу программа кысаларында күп балалы һәм гарип балалар тәрбияләүче ата-аналарга да хезмәт урыннары булдырылачак.
Агымдагы елның 7 ае эчендә 61 эш бирүче халыкны эш белән тәэмин итү үзәкләре белән килешү төзегән. Аның нигезендә 159 эш урыны булдырылган. Әлеге урыннар буенча 113 инвалид граждан эшле-һөнәрле булырга өлгергән инде.
Бу программаны тормышка ашыруның иң күркәм мисалларын Алабугада күрергә мөмкин. Биредә, җирле мәшгульлек үзәге ярдәме белән коляскада хәрәкәтләнүче инвалидка эш урыны булдырганнар. 27 яшьлек әлеге егеткә үз хезмәте белән акча эшли алу мөмкинлеген шәһәрнең эшмәкәр хатыны Таңсылу Хөснуллина бүләк итә. Азык-төлек сатылучы яңа сәүдә ноктасында бу егет сатучы булып эшли башлаган. Аның хезмәт урыны исә махсус тәбәнәк стеллажлар, туңдыру камералары белән җиһазландырылган.
Бу очракта эшмәкәр ханымның әлеге эш урынын җиһазлау өчен тотылган барлык чыгымнары 50 000 сум күләмендә булган федераль бюджеттан килгән акчалар белән капланган.
 
Министрлыкның матбугат хезмәте үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International