Минзәләдә әти-әниләрне балаларына үз мәхәббәтләрен ачарга өйрәтәләр
Минзәлә муниципаль районындагы халыкка социаль хезмәт күрсәтү үзәгенең гаилә һәм балаларга социаль ярдәм күрсәтү бүлеге социаль педагогы Кудряшова Наталия ата-аналар белән "Балага үз мәхәббәтеңне ничек ачарга" дигән тренинг үткәрде.
Әлеге тренингның максаты – балалар белән ата-аналарның мөнәсәбәтләрен яхшыртуга ярдәм итү һәм ата-аналарда нәтиҗәле хезмәттәшлек итү күнекмәләрен формалаштыру. Әлеге тренинг ата-аналарга үз балаңны аңлау дәрәҗәсен күрергә мөмкинлек бирә, балалар белән мөнәсәбәтләрне аңларга һәм аларны эмоциональ яктан баетырга ярдәм итә.
Ата-аналарга ата-ана мәхәббәте сукмагы буенча узарга тәкъдим ителде. Алар ситуацияләрне чишүдә актив катнашты, "Бәхет - ул гади" темасына видеоролик карадылар һәм фикер алыштылар, төрле күнегүләр башкардылар. Ата-аналарны балаларына үз мәхәббәтен ачу ысуллары белән таныштырдылар - бу сүз, кагылу һәм караш.
Очрашу ахырында ата-аналар "Ата-аналар өчен 10 тыюлык" дигән белешмәлекләр алдылар.