Яшел Үзәндә яшәүче сигез эшсез кеше яңа һөнәр үзләштерә

2019 елның 30 мае, пәнҗешәмбе

Яшел Үзән шәһәренең мәшгульлек үзәгендә "Электрон хисаплау һәм хисаплау машинасы операторы" һөнәре буенча курслар ачылды.

"Электрон хисаплау һәм хисаплау машинасы операторы" һөнәре буенча курслар ачылышы 29 майда  автоном коммерцияле булмаган "Квалификация үстерү буенча төбәк агентлыгы"ның Яшел Үзән филиалы базасында узды.

Укуга эшсез саналучы 8 кеше кереште. Уку дәверендә курс тыңлаучылар барлык офис программаларында һәм предприятиенең махсус кушымталарында эшләргә, "1С: Сәүдә белән идарә итү" программасы күнекмәләренә өйрәнәчәк.