Татарстан Республикасы Хезмәт, халыкны эш белән тәэмин итү һәм социаль яклау министрлыгы

Җитештерүдә тагын бер татарстанлы һәлак булган

2012 елның 30 июле, дүшәмбе

Татарстан республикасы Хезмәт, халыкны эш белән тәэмин итү һәм социаль яклау министрлыгы җитештерүдәге бәхетсезлек очраклары нәтиҗәсендә зыян күргән хезмәткәрләр хакындагы мәгълүматларны публикацияләүне дәвам итә. 21 нче июльдән 27 нче июльгә кадәр ТР Дәүләт инспекциясе тарафыннан мондый өч очрак теркәлгән.

Узган хисап атнасында эш урынында бер кеше һәлак булды. Ахыры үлем белән тәмамланган бәхетсезлек очрагына Яңа Савин районындагы шәхси эшмәкәр И.Ш.Хәернасовта эшләүче хезмәткәр - 39 яшьлек машина йөртүче дучар булган.

Шулай ук Казан һәм Яр Чаллы шәһәрләрендә бу атнада 2 авыр нәтиҗәле бәхетсезлек очрагы да теркәлгән. «Завод металлической кровли» ҖЧҖтә 33 яшьлек автомат линияләр операторы зыян күргән: станокта эшләгән вакытта операторның кулы станокның селкенүче өлешләре арасына кереп китә. Әлеге җәрәхәтнең ни дәрәҗәдә авыр булуы әлегә билгеләнә.

Яр Чаллыда исә «Набережночелнинская теплосетевая компания» ААҖ дә эшләүче 40 яшьлек хезмәткәр авыр җәрәхәт алган. 27 нче июль көнне йөк машинасын менгергәндә слесарь кузовтан асфальтка егылып төшә.

Төркемле бәхетсезлек очракларына килгәндә, алар бу атнада теркәлмәгән.

Исегезгә төшерәбез: Татарстан республикасы Хезмәт, халыкны эш белән тәэмин итү һәм социаль яклау министрлыгы сайтында “Монда кешеләр үлә һәм җәрәхәтләнә” дип исемләнгән баннер барлыкка килде. Биредә, хезмәтне саклау таләпләрен тупас рәвештә бозу аркасында хезмәткәрләре авыр җәрәхәтләнгән яки үлгән оешмалар исемлеге урын алып килә.

Хезмәт куркынычсызлыгы буенча гади генә кагыйдәләрне үтәгәндә бәхетсезлек очракларын киметергә мөмкин. Мультипликацион ролик рәвешендә тәкъдим ителгән “Җитештерүдә тормышны саклап калу кагыйдәләрен” әлеге сылтама аша карарга була: http://youtu.be/tT2f8EaPPOI.

БАРЛЫК ЯҢАЛЫКЛАРНЫ УКУ