Яшел Үзәндә "WorldSkills Russia катнашучыларына тиңләшәбез" дигән дәрес узды

Яшел Үзәнең Горький исемендәге мәдәният йорты каршындагы китапханәдә шәһәренең 1 номерлы лицееның 7 нче сыйныф укучылары белән очрашу оештырылды. Мәшгульлек үзәге белгече һәм китапханә мөдире мәктәп укучыларына 22-27 август көннәрендә Казанда һөнәри осталык буенча 45 нче дөнья чемпионаты узачагы, анда меңләгән яшь профессионаллар төрле компетенцияләрдә үзләренең белемнәрен һәм күнекмәләрен күрсәтәчәкләре хакында сөйләде. Үзләренең мисаллары белән конкурста катнашучылар эшче һөнәр белгечләре иҗади кешеләр икәнен, аларның үз куллары һәм тапкырлыклары ярдәмендә матур, уникаль әйберләр ясый алуларын күрсәтәләр. Мондый ярышларда катнашучы яшь белгечләр инде бүген үк эш бирүчеләргә кызыклы, төрле оешмаларга һәм предприятиеләргә чакырулы. Квалификацияле эшче булу хәзер абруйлы. Очрашу ахырында теләге булган һәркем үзенең шәхси һөнәри тибын билгеләү өчен профдиагностика үтте һәм мәшгульлек үзәге белгеченнән һөнәри юнәлеш буенча киңәшләр алды.