Совет районының 200дән артык кешесе вакантлы эш урыннары ярминкәсенә килде

2019 елның 21 мае, сишәмбе

Бүген Казан шәһәре халыкны эш белән тәэмин итү үзәгенең Совет районы буенча филиалында вакантлы эш урыннары кече ярминкәсе узды.

Чарада 235 кеше катнашты. Эш эзләүчеләргә түбәндәге вакансияләр тәкъдим ителде: автобус йөртүче, трамвай йөртүче, инженер-диспетчер, хезмәтне саклау инженеры, җитештерү белән идарә итүнең автоматлаштырылган системалары буенча инженер, кондуктор, маляр, механик җыю эшләре слесаре,  җитештерү һәм хезмәт биналарын җыештыручы, тегүче һ.б.

Казанның "ПАТП № 2" МУП, "Таттелеком" ГАҖ, "Ашыгыч чакырулар хезмәте-112" ТР ДБУ һәм И. К. Кабушкин ис. трамвай депосы мини-ярминкәгә килүчеләргә үзләренең вакансияләрен тәкъдим итте. 

Эш бирүчегә әңгәмәгә юлламаларны 29 кеше алды.