“Астра” тернәкләндерү үзәгендә мастер-класс узды

2019 елның 20 мае, дүшәмбе

20 маенда  Алабуга муниципаль районындагы "Астра" мөмкинлекләре чикле балалар һәм яшүсмерләр тернәкләндерү  үзәгендә  “Әкият кошы” дигән темага аппликация мастер-класс булып узды.

Шөгыльнең максаты балаларда күләмле аппликация ясау күнекмәләре үстерү, иҗади эш алымнарын күрсәтү.

Шөгыль башында рус халык әкияте  "Жар-птица" буенча әңгәмә уздырылды. Кошлар рәсемнәре буенча иллюстрацияләр күрсәтелде. Аннан соң “Аккош” аппликациясен ясадылар. Шөгыль бик матур һәм күңелле узды. Чарада 10 кеше катнашты.