Зәй һәм Әлмәттә Гаилә көнен бәйрәм иттеләр
Бүген "Шатлык" халыкка социаль хезмәт күрсәтү үзәге базасында гаиләгә һәм балаларга социаль хезмәт күрсәтү бүлеге карамагындагы 15 гаиләгә, белгечләр, социаль педагоглар һәм психологлар тарафыннан Халыкара гаилә көненә багышланган искиткеч бәйрәм оештырылды.
Иң мөһиме - гаилә. Нәкъ менә гаиләдә мәхәббәт, җаваплылык, кайгыртучанлык һәм башкаларны хөрмәт итәргә өйрәнәләр. Шуңа күрә бу бәйрәм социаль ярдәмгә мохтаҗ булган, ведомствоара социаль патронажда торучы һәм "Шатлык" үзәгендә исәптә торучы гаиләләр, шулай ук сәламәтлек мөмкинлекләре чикләнгән балалар өчен бик мөһим.
Балалар һәм аларның әти-әниләре барлык конкурсларда һәм уеннарда актив катнашты. Балалар өчен экологик викторина узды, алар әкият геройлары турында табышмаклар чиште, мультвикторина сорауларына җавап бирделәр, спорт-сәламәтләндерү чарасында катнаштылар.
Көн программасы шактый бай иде: "17 май - Халыкара балалар ышаныч телефоны көне" дигән дискуссия үткәрелде, ә "Ата-аналар университеты" эше кысаларында "Сәламәт яшәү рәвеше гаиләдә формалаша" исемле дәрес оештырылды.
Барлык балалар һәм әниләр күтәренке, яхшы кәеф һәм уңай эмоцияләр алды. Чара ахырында бәйрәмгә килгән һәр балага татлы бүләк тапшырылды. Бәйрәм бик күңелле һәм истә калырлык булды.
Халыкара гаилә көнен Әлмәтнең "Кайгырту" халыкка иҗтимагый хезмәт күрсәтү үзәгендә дә билгеләп уздылар. Гаилә көненә багышланган күңел ачу чарасының максаты – балаларның иҗади үсеше өчен яхшы шартлар тудыру, гаиләдә әхлакый тәрбия булдыру.
Биредә балаларның әйләнә-тирәдәгеләр белән файдалы ялын мөстәкыйль оештырырга өйрәттеләр.
Бәйрәм нигезе "гаилә" сүзе булган кроссворд буларак үткәрелде. Биремнәр "Күбәләк корты", "Сүзне җый", "Кабатлагыч", "Рәсемнәр җый" һ.б.иде.
Бәйрәмдә 7 гаилә һәм 17 мәктәп яшендәге бала катнашты. Чара ахырында балаларга бүләкләр тапшырылды. Очрашу игелекле, кызыклы һәм бик күңелле булып узды.