Казанның Совет районында вакансияләр мини-ярминкәсе оештырыла
21 май көнне Казан шәһәре халыкны эш белән тәэмин итү үзәгенең Совет районы буенча филиалында вакантлы эш урыннары ярминкәсе узачак. Чарада Казан шәһәренең "ПАТП № 2" МУП, "Таттелеком" ГАҖ, "Ашыгыч чакырулар хезмәте-112" ТР ДБУ, И. К. Кабушкин исемендәге трамвай депосы катнашачак.
Эш эзләүчеләргә түбәндәге вакансияләр тәкъдим ителәчәк: автобус, трамвай йөртүче, урам себерүче, здравпункт мөдире, контакт-үзәк инженеры, производство белән идарә итүнең автоматлаштырылган системалары буенча инженер, инженер-электроника, кондуктор, маляр, мастер, күчмә составны юу-җыештыручы, контакт-үзәк операторы, телемаркетинг бүлеге операторы, механик җыю эшләре слесаре, күчмә составны ремонтлау буенча слесарь-электрик, ашыгыч чакырулар кабул итү һәм эшкәртү буенча белгеч һ.б.
Вакантлы эш урыннары мини-ярминкәсе 9.00 сәгатьтән 12.00 сәгатькә кадәр түбәндәге адрес буенча узачак: Казан шәһәре, Журналистлар урамы, 13А йорт. Керү һәм барлык хезмәтләр дә бушлай.