"Язгы игелек атнасы" дәвам итә
Тукай муниципаль районының "Шәфкать" халыкка социаль хезмәт күрсәтү комплекслы үзәгенең гаилә һәм балаларга социаль ярдәм күрсәтү бүлекчәсе белгечләре "МИГ" отряды волонтерлары һәм "Инклюзив мохит" оешмасы хәйриячесе Азат Хаҗиев белән берлектә тыл хезмәтчәннәре Скворцова Ольга, Сапожникова Ульяна һәм Буханова Ольганы котладылар.
Тыл хезмәтчәннәре - өлкән яшьтәге кешеләр һәм барысы да бәйрәм чараларында катнаша алмый, шуңа күрә аларны өйдә тәбрикләделәр. Балалар сугыш турында шигырьләр укыды, үз куллары белән ясалган чәчәкләр тапшырдылар. Азат Хаҗиев тыл хезмәтчәннәренә азык-төлек җыелмалары тапшырды.
Акциядә катнашучылар ветераннарга сугыш елларында күрсәткән батырлыклары һәм авыр хезмәтләре өчен тирән рәхмәт сүзләрен җиткерде, сәламәтлек һәм иминлек теләделәр. Тыл хезмәтчәннәре кунакларны җылы каршы алды, авыр сугыш еллары турында сөйләделәр, игътибар күрсәткәннәре өчен рәхмәт әйттеләр һәм җылы котлаудан бик канәгать калдылар.