Казанда инвалид балалар өчен хәйрия чарасы узды
Казанның Е.Ласточкина исемендәге интернат-мәктәбендә сәламәтлекләре чикләнгән балалар өчен "Язгы игелек атнасы" республика акциясе уңаеннан " Макдоналдс" компаниясе белән берлектә оештырылган хәйрия чарасы узды.
Сәламләү сүзен Татарстан Республикасы Премьер-министры урынбасары Ләйлә Фазлыева һәм Татарстанда "Макдоналдс" җитештерү буенча менеджер Лилия Закирова җиткерде.
"Макдоналдс" компаниясенең хәйрия фонды тарафыннан республика башкаласының ике социаль оешмасына бүләкләр тапшырылды. Казанның Е.Ласточкина исемендәге мәктәп-интернаты сәламәтлек мөмкинлекләре чикләнгән балалар өчен интерактив такта бүләк итте, ә Дәрвишләр балалар интернат-йортында тәрбияләнүчеләргә фонд биш тирбәлә торган кәнәфи тапшырды.
15 апрельдән "Макдоналдс"ның 20 еллыгын бәйрәм итү уңаеннан Татарстанда шулай ук "Һәр заказдан 1 сум балалар учреждениеләренә ярдәм итүгә тотылачак" проекты старт алды. Барлык кергән акчалар да Дәрвишләр балалар интернат-йортында тәрбияләнүчеләргә махсус җиһазлар, шулай ук Е.Ласточкина исемендәге Казан мәктәп-интернатының начар ишетүчеләр һәм начар ишетүче балалар өчен кыйммәтле верботональ җиһазлар сатып алуга тотылачак.
Фоторепортаж: http://mtsz.tatarstan.ru/rus/foto.htm/photoreport/5102247.htm