Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Татарстан Республикасы Хезмәт, халыкны эш белән тәэмин итү һәм социаль яклау министры татарстанлыларны Гаилә, мәхәббәт һәм тугрылык көне белән котлады

2012 елның 6 июле, җомга

Кадерле дуслар, хөрмәтле ватандашлар!

Гаилә, мәхәббәт һәм тугрылык көне уңаеннан ихлас, җылы котлауларымны кабул итеп алыгыз!

Заманалар, гореф-гадәтләр, кешеләр һәм аларның тормышлары һаман алышынып тора. Бары тик гаилә генә һәрчак мәңгелек кыйммәт булып кала бирә. Аннан башка тарихның үзе дә булмас иде, мөгаен. Бары гаилә булдырып, үз йөрәген тормыш иптәше һәм газиз балалары белән урталай бүлешеп кенә кеше чын-чынлап яратырга өйрәнә. Бу ихлас мәхәббәт аңа һәрбер көннең мәгънәсен ачып биререргә ярдәм итә.

Гаилә җәмгыять үсеше һәм социаль тотрыклылык булдыруда, үсеп килүче буынга тәрбия бирүдә үтә мөһим роль уйный. Нәкъ менә гаиләдә кеше күмәк тормыш, өлкәннәргә карата хөрмәт нигезләренә төшенә, туган шәһәрен, илен ярату, яхшылыккка өйрәнү буенча тәүге дәресләр ала. Бу көнне без озын гомер юлларын кулга-кул тотынышып атлаган парларны да, әле яңа гына барлыкка килгән яшь гаиләләрне дә котлыйбыз.

Татарстаныбызда гаилә мәнфәгатьләрен яклау буенча, медицина һәм социаль хезмәтне үстерү, яңа балалар бакчалары һәм мәктәпләр төзүне камилләштерү, балаларның тәрбиясе, ял һәм белем бирүе өчен уңайлы шартлар булдыру юнәлешендә бик күп республикакүләм программалар тормышка ашырыла.

Бөтенрусия Гаилә, мәхәббәт һәм тугрылык көне уңаеннан барлык гаиләләрнең дә тагын да ныклы булуын, мәхәббәт хисләрен еллар аша узганда югалтмыйча, һәр көн саен бер-берсенә иң якын кеше булуларын истә тотып, бары бәхет-шатлык белән яшәүләрен теләп калам!

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

Социаль хезмәтләр алучылар «Абилимпикс» чемпионатының төбәк этабында уңышлы чыгыш ясый

Яр Чаллы медицина көллиятендә инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатының төбәк этабы узды.

«Гаилә» илкүләм проекты: Тукай районында өлкән буынны диспансерлаштыру дәвам итә

Бүген Тукай муниципаль районының Таулар авылында яшәүчеләргә медицина учреждениесенә илтү буенча социаль хезмәт күрсәтелде. Чаралар «Гаилә» илкүләм проектының «Өлкән буын» федераль проекты кысаларында үткәрелә.

Балалар тернәкләндерү үзәкләрендә #ЛюдиКакЛюди инклюзив фестивале узды

29 марттан 5 апрельгә кадәр мөмкинлекләре чикләнгән балалар һәм яшүсмерләр өчен тернәкләндерү үзәкләрендә Аутизм проблемасы турында мәгълүмат тарату көненә багышланган X #ЛюдиКакЛюди бөтенроссия инклюзив фестивале узды.

ЯҢАЛЫКЛАРГА ЯЗЫЛУ