Кукмараның булачак әниләренә ана бәхете турында сөйләделәр

2019 елның 12 апреле, җомга

11 апрельдә Кукмараның "Тылсым" халыкка социаль ярдәм күрсәтү үзәге белгечләре Ленара Шәйдуллина һәм Алия Заһидуллина ведомствоара  “Без бергә” исемле программа буенча район шифаханасендә йөкле хатын-кызлар белән очрашу үткәрде.

Очрашуның темасы: “Хатын-кыз бәхете”. Очрашу кысаларында максатчан төркем белән киләчәктә хатын-кыз сәламәт һәм шат аналар булу турында  әнгәмә  корылды, ун кешегә буклетлар өләшенде.

Очрашуда  яшьләр һәм яшь гаиләләрдә еш очрый торган мәсьәләләр күтәрелде. Чараның максаты: психологик яктан аңлы рәвештә имин гаиләләрне булдыру һәм формалаштыру. Шулай ук программаның максаты - яшь гаиләләргә гаилә төзүне  планлаштыру буенча ярдәм итү.