“Җәмгыять инициативасы – 2012” дип исемләнгән социаль проектлар буенча республикакүләм конкурс башланып китте

2012 елның 4 июле, чәршәмбе
Әлеге бәйге иҗтимагый һәм коммерцияле булмаган оешмаларга ярдәм йөзеннән һәм социаль өлкәдә конкурсларны финанслар белән тәэмин итү механизмын камилләштерү максатларыннан чыгып оештырыла.
Конкурс түбәндәге номинацияләр буенча уздырыла: “Социаль яклау”. Аның берничә тармагы бар: иректән мәхрүм ителү урыннарыннан кайткан кешеләр һәм аларның гаилә әгъзаларын социаль яраклаштыру, ресоциализацияләү; мөмкинлекләре чикле булган гражданнарны хезмәт ягыннан адаптацияләү, аларга эш урыннары булдыру; социаль ирекле хәрәкәтне камилләштерү. Икенче номинация: “ТР студентларын һәм эшсез булган яшьләрне эш урынлы итү".
16 нчы июльдән башлап Казан шәһәренең социаль яклау идарәсе бәйгедә катнашу өчен сорау язулары кабул итә башлый. Гаризалар претендентның үзе яки аның ышанган кешесе тарафыннан Казан шәһәре, Петербург урамы, 40 нчы йорт, 1 нче кабинет адресы буенча басма рәвештә 2 нөсхәдә бирелергә тиеш. “Конкурска” дигән искәрмә язуы да булу мәҗбүри. Шулай ук гаризага Word 6 дәрәҗәсеннән дә ким булмаган программада эшләнелгән проект документациясенең электрон версиясен дә беркетү зарур. Билгеләп үтик, почта аша җибәрелгән гаризаларда җибәрү датасы язылган штемпель булырга тиеш.
Сорау язуларын теркәү махсус конкурс комиссиясе тарафыннан, барлык белешмәләр дә булу һәм конкурсның номинацияләренә тулысынча туры килү шарты белән башкарыла. Катнашырга теләк белдерүчеләрне катнашучылар дип тану яки танымауны игълан итү хакында мәгълүмат гаризалар кабул итү тәмамланганнан соң 7 көннән дә соңга калмыйча, матбугатта басылып чыгачак.
Сорау язулары кабул итү 28 августта төгәлләнә.
Исегезгә төшерик, әлеге чара   Министрлар кабинетының 07.04.2005 нче елдан 167 нче номерлы карары белән расланган социаль проектлар буенча республикакүләм конкурслар хакындагы Положениесе нигезендә махсус комиссия тарафыннан үткәрелә.
“Социаль яклау” номинациясендә конкурсның координаторы ТР Хезмәт, халыкны эш белән тәэмин итү һәм социаль  яклау министрлыгының вәкаләтле органы булачак. Ә “ТР студентларын һәм эшсез булган яшьләрне эш урынлы итү” номинациясе исә ТР Яшьләр эшләре, спорт һәм туризм министрлыгының конкурсны уздыру өчен вәкаләтле органы карамагына беркетелә.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International