Минзәләдә туучылар санын арттыру буенча программа тормышка ашырыла

2019 елның 21 марты, пәнҗешәмбе

19 март көнне Минзәлә халыкны социаль тәэмин итү комплекслы үзәге психологлары "Яңа тормыш – өмет киләчәге" программасын тормышка ашыру уңаеннан булачак әниләр белән дәресләр комплексы үткәрде.

Әлеге чарада катнашучылар "Хыял йорты" проектив тесты, эмоциональ халәтне билгеләү өчен психодиагностика уздырдылар. Хатын-кызларга "Туачак балага хат" дигән күнегүне үтәргә һәм кечкенә кеше белән аралашырга тәкъдим иттеләр.

Комплекслы үзәк белгечләре булачак аналарга буклетлар да таратты.