Әлмәт районында тәмәке тартуга һәм наркоманиягә каршы акция оештырылды
1нче март, Халыкара әфьюнчылык һәм әфьюн сату-алуга көрәш көнендә Түбән Мактаманың 11нче балалар китапханәсе вәкилләре һәм Әлмәт "Кайгырту" халыкка иҗтимагый хезмәт күрсәтү үзәге хезмәткәрләре Әлмәт балалар йортында тәрбияләнүчеләр һәм иҗтимагый куркыныч хәлдә торучы балалар өчен табиб психиатр-нарколог Наил Гарифуллин белән очрашу оештырды.
Очрашуда 21 кеше катнашты.
Максат һәм бурычлар: тәмәке тарту, эчкечелекне һәм әфьюнгә бәйлелекне кисәтү; укучыларда сәламәт яшәү рәвеше күнекмәләрен булдыру һәм үз сәламәтлегеңә җаваплы мөнәсәбәт тәрбияләү; укучыларга ПАМнең кеше организмына йогынтысы турында әтрафлы мәгълүмат бирү; укучыларны дөрес тормыш юлын сайлауга, сәламәт яшәү рәвешенә юнәлдерү.
Әңгәмә барышында сүз тәмәке тарту, хәмер һәм аларның кеше организмына зарарлы йогынтысы турында барды. Моннан тыш, табиб-нарколог сәламәт яшәү рәвешен алга сөрүгә дә кагылды һәм кызыксындырган барлык сорауларга тулы җаваплар бирде.
Балаларга, әфьюн куллану нәрсәгә китерергә мөмкин булуы турында уйласыннар өчен, әфьюн матдәләр куллануның нәтиҗәләре турында видео күрсәтелде. Балалар әңгәмәдә актив катнашты, төрле тормыш вакыйгалары турында фикер алышты, кеше сәламәтлеге – иң мөһим хәзинә дигән нәтиҗәгә килделәр.
Очрашу "Әфьюн турында тулы дөреслек" чакыру-сәламәтләндерү хәрәкәте белән тәмамланды. Балалар, дәртләнеп, алган белемнәрен шәһәр халкы уртаклашырга ашыктылар. Хәрәкәт барышында күрсәтмә чакыру мисаллары кулланылды, "Әфьюнсыз Татарстан" иҗтимагый оешмасы тарафыннан бирелә торган басма эшләнмә – темага кагылышлы буклетлар таратылды.