«Балкыш» социаль приютында тәрбияләнүчеләр «Солдатка әни пирогы» акциясенә кушылды
Түбән Каманың «Балкыш» балалар һәм яшүсмерләр өчен социаль приюты карамагындагы балалар беренче тапкыр «Солдатка әни пирогы» акциясендә катнашты. Акциянең инициаторы - шәһәр администрациясе ярдәме белән менә инде сигез ел Түбән Кама хатын-кызлары иҗтимагый оешмасы.
Шәһәрнең битараф булмаган кешеләре солдат өчен баллы күчтәнәчләр – чәк-чәк җыйдылар. Аларга приют карамагындагы балалар да кушылды, тәрбияче Ираида Мадиярова белән бергә алар агросәнәгать көллиятенә бүләк итте.
23 февральдә солдат әти-әниләре автобуста сый-хөрмәт белән Мәскәүгә юл тотачак. Бәйрәм баллы посылка Преображенский полкында хезмәт итүче якташларга тапшырылачак.
«Армиядә хезмәт итү җиңел эш түгел. Татлы чәк-чәк аша безнең якташ солдатлар туган йортыбызның җылысын, Түбән Кама әниләренең назын тоеп яшәсеннәр иде», - дип уртаклашты Ираида Мадиярова.
Чара патриотик тәрбия бирү программасы кысаларында узды.