Яр Чаллыда "Ышаныч" үзәге катнашында киңәйтелгән киңәшмә узды
Яр Чаллының "Ышаныч" халыкка комплекслы социаль хезмәт күрсәтү үзәгенең өйдә социаль хезмәт күрсәтү бүлеге мөдире Л.Вәлиева үзара хезмәттәшлек турында килешү кысаларында шәһәр Башкарма комитеты Үзәк район Хакимияте белгечләренең киңәйтелгән киңәшмәсендә катнашты.
Киңәшмә барышында Үзәк белгече чакырылган затларны социаль ярдәм күрсәтүнең төрләре, формалары белән таныштырды. Өйдә социаль хезмәт күрсәтү бүлегенә кабул иткәндә кирәкле документлар, социаль хезмәтләр күрсәтү шартлары, тарифлар турында мәгълүмат бирде. Татарстанда тормышка ашырыла торган "Өлкән кешене тәрбиягә алган гаилә" проектының гамәлгә ашыру тәртибен яктыртты.
Чыгыш барышында "Ышаныч" үзәге белгеченә күп сораулар бирелде. Утырышта катнашучылар яктырткан мәсьәләләрнең актуальлеген билгеләп үтте. Барлык катнашучыларга үзәк эшчәнлеге турында буклетлар таратылды, контакт өчен телефоннар калдырылды.