Күп балалы гаиләләр өчен хокукый ярдәм
Югары Ослан районында "Өмет утравы" комплекслы үзәге белгечләре "Гаиләнең хокукый навигаторы" мәгълүмати технологиясен актив куллануны һәм күп балалы гаиләләрне тиешле ташламалар һәм социаль ярдәм чаралары белән таныштыруны дәвам итә.
Югары Ослан районы буенча күчмә эш барышында агымдагы елда әлеге технологиядән файдаланып, күп балалы егерме ике гаиләгә хокукый консультация бирелде. Ике гаиләгә балигъ булмаган балаларга пособиеләр рәсмиләштерүдә, бер гаиләгә социаль контракт нигезендә дәүләт социаль ярдәмен алуда ярдәм күрсәтелде.
"Әлеге технология - төрле социаль статуска ия гаиләләргә ярдәм күрсәтү һәм ярдәм итү мәсьәләләре буенча актуаль мәгълүмат алуда нәтиҗәле чара", - ди гаиләгә һәм балаларга социаль ярдәм күрсәтү бүлеге мөдире.
Чирмешән районының гаилә һәм балаларга социаль ярдәм күрсәтү бүлеге социаль эш буенча белгеч Микушова Галина үз эшендә заманча технологияләр белән дә файдалана.
Мәсәлән, гаиләгә сәфәр вакытында ул планшетта урнаштырылган "Хокукый навигатор" программасын куллана. Әлеге кушымтада түбәндәге категория халык өчен социаль ярдәм чаралары турында белергә була: алыштыручы гаиләләр; балигъ булмаган ата-аналар белән гаиләләр; күп балалы гаиләләр; сәламәтлек мөмкинлекләре чикләнгән балалар тәрбияләүче гаиләләр; 18 яшькә кадәрге балалар тәрбияләүче бер ата-ана белән гаиләләр; закон белән каршылыкта торучы балалар белән гаиләләр; өлкән яшьтәге гражданнар.