Янгын куркынычсызлыгы кагыйдәләре өйрәнелә

2019 елның 13 феврале, чәршәмбе

6 февральдә Балтачның "Наз" социаль-тернәкләндерү бүлекчәсендә тернәкләнү узучылар Чепьяда урнашкан янгыннан саклау бүлегенә экскурсиягә барды.

Экскурсияне бүлек җитәкчесе Э.Перемечев үткәрде. Ул иң элек бүлекчә эшчәнлеге белән таныштырды, янгын вакытында үз-үзеңне тоту кагыйдәләрен  искәртеп үтте,  соңгы айда булган янгыннар турында сөйләде.

Экскурсия барышында Эдуард Николаевич янгын вакытында коткаручылар кия торган махсус киемнәр, янгын сүндерү машиналары җиhазландырылган hәм юл-транспорт хәлакәте вакытында кулланыла торган җайланмалар турында сөйләде.

Бу экскурсия тернәкләнү узучыларда зур кызыксыну уятты, коткаручы hөнәренә хөрмәт тәрбияли.