Татарстанда зур спорт бәйрәме узды
Спорт һәм сәламәт яшәү рәвешен популярлаштыру максаты белән илебездә ел саен "Россия чаңгы юлы" дигән массакүләм чара үткәрелә.
Түбән Каманың "Веста" үзәге белгечләре чираттагы тапкыр Бөтенроссия чаңгы ярышында катнашты. Чаңгы шуарга яратучылар өчен бу кышкы спорт бәйрәмнәренең берсе булып тора. Кышкы урман буенча өч километр йөгереп үтү – ял көннәрен үткәрүнең иң яхшы ысулы түгелме?
Сәламәтләндерү нәтиҗәләреннән тыш, мондый чаралар яхшы кәеф, коллективта яхшы психологик климат тудыруга ярдәм итә, катнашучыларга стандарт булмаган шартларда үзләренең сәләтләрен һәм талантларын ачарга һәм үзләренең иң яхшы сыйфатлары булган көч, чыдамлык, кыюлык, сабырлыкны күрсәтергә мөмкинлек бирә.
Шуны да билгеләп үтәргә кирәк, чаңгы ярышларында ТР Хезмәт, халыкны эш белән тәэмин итү һәм социаль яклау министрлыгы карамагындагы барлык территориаль органнар һәм учреждениеләр катнашты. Мәсәлән, Чистай "Юлдаш" өлкәннәр һәм инвалидлар интернат-йорты инваспортсменнары ел саен шәһәрнең инвалидлар төркемендә чаңгы ярышларында ярыша. Быел километрлы дистанциядә классик стиль белән үз осталыкларын һәм көчле рухны Айдар Сафин, Дырлы Роман, Диана Меннянова күрсәтте. Айдар һәм Диана утырган чаңгыда дистанция үтте.
Яр Чаллы шәһәре округында мөмкинлекләре чикләнгән балалар һәм яшүсмерләрне тернәкләндерү “Кояшкай” үзәге белгечләре 9 нчы февральдә “Россиянең чаңгы юлы – 2019" ярышларында катнашты. Үзәк хезмәткәрләре спорт бәйрәменнән күңел күтәренкелеге һәм уңай эмоцияләр алдылар. Һәм бер-берсенә аралашу шатлыгы һәм яхшы кәеф бүләк иттеләр.