Мамадыш картлар һәм инвалидлар йортында гантель күтәрү буенча ярыш

2019 елның 6 феврале, чәршәмбе

Мамадыш картлар һәм инвалидлар йортында физик күнегүләр белән дәвалау дәресләрендә гантель ярдәмендә күнегүләр ясыйлар.

Даими шөгыльләнгәндә бу күнегүләр чыдамлылыкны арттыра,  гомуми тонусны яхшырта. Гантель белән күнегүләр иң кирәкле мускул – йөрәкне ныгыта. Инсульт  кичергән кешеләр дә гантельләр белән шөгыльләнә. Чөнки аларның эшкә сәләтлелеге, хәрәкәтләре  арта. Шулай ук үпкәләре яхшырак эшли башлый.

Шушы көннәрдә Мамадыш картлар һәм инвалидлар йортында 7 кглы гантель күтәрү буенча ярыш булып узды. 12 кеше катнашында узган турнирда иң күп күтәрүче Целовальников Григорий булды. Ул 40 тапкыр күтәрде.

 Җиңүчеләргә һәм катнашучыларга истәлекле бүләкләр тапшырылды.