Яшүсмерләр суицидын кисәтү: Әлмәттә ведомствоара хезмәттәшлек регламенты расланды
31нче гыйнварда Әлмәт районындагы "Кайгырту" халыкка иҗтимагый хезмәт күрсәтү үзәгенең гаилә һәм балаларга иҗтимагый ярдәм бүлекчәсенең мөдире һәм психологлары "Балигъ булмаганнар арасында үз-үзенә кул салу хәвефе барлыгы ачыкланган очракларда кисәтү оешмаларының идарәара хезмәттәшлек тәртибен раслау"исемле түгәрәк өстәлдә катнашты.
Шулай ук шәһәрнең гомуми белем бирү оешмалары директорлары һәм психологлары, "Нур" балалар һәм яшьләргә психологик-педагогик ярдәм үзәге белгечләре катнашты.
Түгәрәк өстәл утырышында балигъ булмаганнар катнашында гадәттән тыш хәлләр ачыкланган очракта хәбәр итү һәм гамәлләр эзлеклелеге булдырылды, ашыгыч психологик илтифат төркеменең чыгу вакыты төзелде.
Балигъ булмаганнарның кризис күрсәткечләрен иртә ачыклау өчен психологик җиһазлар сатып алу мәсьәләләре тикшерелде, шулай ук белгечләрнең һөнәри белемен күтәрү курсларында катнашу һәм үткәрү буенча тәкъдимнәр каралды.