Казанда вакансияләр ярминкәсе узачак
2019 елның 6-8 февралендә "Казан ярминкәсе" ААҖ территориясендә "Мәгариф. Карьера"күргәзмәсе ачыла. Күргәзмә кысаларында Казан шәһәре халыкны эш белән тәэмин итү үзәге тарафыннан вакантлы эш урыннары ярминкәсе оештырылачак.
Ярминкә 6 һәм 7 февральдә 10.00 сәгатьтән 18.00 сәгатькә кадәр эшләячәк. 8 февральдә 10.00 сәгатьтән 13.00 сәгатькә кадәр халыкны эш белән тәэмин итү хезмәте белгечләре мәшгульлек, хезмәт һәм дәүләт гарантияләре, һөнәри белем бирү һәм һөнәри юнәлеш бирү буенча тест үткәрү турында законнар буенча консультацияләр бирәчәкләр. Килүчеләр игътибарына компьютер базасында булган 16 меңнән артык вакансия турында мәгълүмат тәкъдим ителәчәк.
Шулай ук махсуслаштырылган күргәзмә кысаларында "Кластерлы якын килү: мәгариф. Эшкә урнашу. Карьера" күргәзмәсе эшлиячәк. Экспозиция Татарстан уку йортларының республика сәнәгать комплексы белән берлектә белем алу һәм алга таба эшкә урнашу процессын оештыруга кластерлы якын килүне күрсәтә. Ярминкәгә килүчеләр конкрет предприятиеләр һәм оешмалар өчен уку йортлары белгечләр әзерләү процессы белән алга таба эш урыннары бирү белән танышачак.
Укучыларга мультимедиа презентацияләре форматында әйдәп баручы югары уку йортлары һәм предприятиеләр турында мәгълүмат тәкъдим ителәчәк.
Экспозициянең максаты - халыкны, шул исәптән яшь белгечләрне эшкә урнаштыру һәм профориентациядә ярдәм итү.
Тематик басмалар вакансияләр турында мәгълүмат белән бушлай газеталар тәкъдим итәчәк. Барлык хезмәтләр дә бушлай күрсәтелә.