Яр Чаллыда өлкәннәр көнкүрештә газны куркынычсыз куллану буенча инструктаж узды
Өлкән кешеләр еш кына куркыныч хәлләргә тарыга. Физик яктан, зиһен ягыннан какшау аркасында, алар уяулыкны югалта. Яр Чаллының "Ышаныч" халыкка социаль хезмәт күрсәтү комплекслы үзәге хезмәткәрләре өйдә социаль хезмәтләр алучылар белән янгын куркынычсызлыгы кагыйдәләре буенча даими рәвештә инструктаж үткәрә.
Соңгы вакытта көнкүреш газы шартлау очраклары ешайды. Шуның белән бәйле рәвештә учреждение социаль хезмәткәрләре көнкүрештә газ белән куркынычсыз файдалану буенча планнан тыш инструктаж оештырды. Социаль хезмәт алучыларга кухняда гап-гади куркынычсызлык чаралары турында искә төшерделәр, җылылык приборларының төзеклегенә, вентиляцион каналларның торышына аерым игътибар иттеләр.
Барлыгы 746 социаль хезмәт алучы индексацияләнде. Шулай ук профилактик чаралар кысаларында көнкүрештә газны куркынычсыз куллануның төп кагыйдәләре белән белешмәлекләр таратылды.