"Мәрхәмәтле тылсымчылар" хәйрия акциясе
Матур традицияне дәвам итеп, 2019 елның 16 гыйнварында Балтачның "Наз" халыкка социаль хезмәт күрсәтү үзәге кунак кабул итте.
Үзәккә "Наз" ятим балаларга һәм инвалидларга ярдәм күрсәтү төбәк иҗтимагый хәйрия фонды президенты Нурия Сәйфетдинова килде.
Ел саен Иске Яңа ел алдыннан Нурания Фердобаевна тормыш иптәше Әсхәт Әхмәдиев белән берлектә "Мәрхәмәтле тылсымчылар" хәйрия акциясе үткәрә, анда аз тәэмин ителгән, имин булмаган гаиләләрдәге инвалид балаларга шатлык һәм тылсым бүләк итәләр.
Чакырылган кешеләрне теркәгәннән соң, алар психологларның төркем дәресләренә җәлеп ителде. Кунакларны Нурания Сәйфетдинова һәм "Наз" халыкка социаль хезмәт күрсәтү үзәге директоры Гөлнара Әхмәдиева сәламләде.
Нурания Фердобаевнаның ире Әсхәт Әхмәдиев Кыш бабай ролендә, "Наз" халыкка социаль хезмәт күрсәтү үзәге белгечләре Кар кызы, дуңгыз баласы, тиен һәм елан ролендә кунакларга яңа ел тамашасы оештырды.
Барлык балалар да теләгән бүләкләр алды: планшет, чаңгы, тимераяк, зур машина һәм башкалар. Шулай ук Кыш Бабай татлы бүләкләр турында, әниләр өчен чәчәкләр турында да онытмады. Әлеге акциядә безнең район хәйриячеләре: Марат Шәмсиев, Данис Шәмсетдинов, Рөстәм Гайнетдинов һәм Нина Филиппова катнашты.
Барлык катнашучылар, кунаклар спонсорларның һәм оештыручыларның кайгыртуына, мәрхәмәтлегенә һәм юмартлыгына сөенде. Әти-әниләр, балалар "Наз" хәйрия фондына һәм әлеге акциядә катнашкан барлык битараф булмаган кешеләргә чын күңелдән рәхмәт белдерде. Мондый чаралар балаларга могҗизага ышанырга мөмкинлек бирә.