"Ышаныч" үзәгендә кызыклы ял чаралары оештырылды
Яр Чаллы шәһәре "Ышаныч" комплекслы үзәгенең гаилә һәм балаларга социаль ярдәм бүлеге белгечләре социаль хезмәт алучыларның ялын кызыклы һәм мавыктыргыч итәргә тырыша.
Кышкы каникул вакытында ата-аналар һәм балалар Яр Чаллы курчак театрында, драма театрында, "Энергетик" мәдәният йортында Яңа ел спектакльләрен карады. Чыршы тирәли Кыш бабай һәм Кар кызы белән узган тамашалар, әкият персонажлары катнашучыларга бик күп якты хис-кичерешләр һәм яхшы кәеф бүләк итте.
6 гыйнвар көнне социаль хезмәтләр алучы Мәчеләр күргәзмәсенә барды. 7 гыйнварда социаль хезмәт алучыларга агымдагы елның беренче концертында Орган залында классик әсәрләрнең искиткеч башкарылуын тылады.
Каникулның соңгы көнендә шәһәрнең тарихи-туган якны өйрәнү музеенда социаль хезмәт алучылар "Яңа елда әйлән-бәйлән" дигән чараны тамаша кылды. Зур программа музей буйлап экскурсия һәм борынгы Яңа ел уенчыклары күргәзмәләрен генә түгел, ә оригами техникасында чыршы ясау белән дә үз эченә алган. Шулай ук экскурсантларга "Тропик күбәләкләр бакчасы" күргәзмәсен карау да күңелле сюрприз булды.
Бәйрәм һәм ял көннәрендә барлыгы 500дән артык социаль хезмәт алучылар катнашты.