"Шатлык"та Яңа ел алдыннан тамаша
Яңа ел алдыннан һәр бала тылсым иленә эләгергә, Яңа елның иң әкияти персонажыннан – Кыш бабайдан күптән көтелгән Яңа ел котлаулары алырга хыяллана.
25 декабрь көнне Зәйнең “Шатлык" халыкка социаль хезмәт күрсәтү үзәгендә яңа ел бәйрәме алдыннан 50 балигъ булмаган социаль хезмәт алучы чакырылган иде.
"Яңа ел чыршысы янындагы кышкы әкият" кә балалар Кар бабай һәм клоун белән бергә юл тотты. Маҗаралар табышмаклар, уеннар, әйлән-бәйлән, чыршы тирәли дәртле биюләр белән үрелеп барды. Бәйрәмдә катнашучыларның барысы да Кыш бабай һәм Кар кызының килүен түземсезлек белән көтте, әмма хәйләкәр Убырлы карчык үзенең мәкерле сихере белән аларның килүен тоткарлады. Һәм бары тик Убырлы карчыкка тәгъдим ителгән җылытылган һәм навигаторлы әкияти "турбо себерке" генә әкияти сәяхәтне дәвам итәргә ярдәм итте.
Балалар бик теләп шигырьләр сөйләде һәм җырлар башкарды. Һәр катнашучы әкият персонажлары белән истәлеккә фотога төште.