Әлмәттә хәйрия тамашасы уза
16нчы декабрьдән Әлмәт татар дәүләт драма театрында "Снежность" хәйрия театраль фестивале ачылды. "Снежность" фестивале – киң күләмле хәйрия проекты. Быел "Карлык" "Дөньяны үзгәртүче хыяллар" девизы астында уза.
Фестивальнең тантаналы ачылышында Әлмәт муниципаль районы башкарма комитеты җитәкчесенең икътисад буенча урынбасары Андрей Подовалов катнашты.
Беренче көнне мавыктыргыч, тулы маҗаралары һәм әверелешле тере көй һәм 3D-сурәт берләшкән "Алисә могҗизалар илендә" спектакле тәкъдим ителде. Икенче көнне Ипополитов-Иванов исемендәге фортепиано дүртлеге һәм нәфис сүз остасы Анна Боголюбская башкаруында "Иске игелекле әкиятләр" спектакле уза. Хәйрия фестиваленең өченче һәм йомгаклау көннәрендә Әлмәт мөмкинлекләре чикләнгән балалар өчен интернат-мәктәбендә тәрбияләнүчеләр өчен җайлаштырылган күчмә спектакль оештырылачак.
Әлеге фестивальдә Әлмәт муниципаль районындагы "Кайгырту" халыкка иҗтимагый хезмәт күрсәтү комплекслы үзәгендә исәптә торучы балалар да булды. Күп кенә гаиләләр үзенә билетлар сатып алуны рөхсәт итә алмый, әмма "Снежность" фестивале ярдәмендә алар әлеге тамашага килә ала.