"Яңарыш" үзәгендә бәйрәм конкурсы оештырылды
24 декабрьдә "Бергә булдырабыз" республика проектын тормышка ашыру кысаларында Бөгелмәнең "Яңарыш" мөмкинлекләре чикле балалар һәм яшүсмерләр тернәкләндерү үзәгендә "Могҗизалы чыршы" дигән гаилә иҗади конкурсы тәмамланды.
Гаиләләр чыршы бизәгенә иҗади якын килде, хыялларын һәм осталыкларын күрсәтте. Чыршылар төрледән-төрле: салфеткадан, конфеттан, ватык дисклардан, кәгазьдән, җептән, мишурадан килеп чыкты. Мондый санда материаллар һәр эшнең оригинальлеге һәм кабатланмас булуы турында сөйли.
Жюрига җиңүчене сайлап алу бик авыр иде, чөнки барлык эшләр дә әзерләү техникасы белән генә түгел, стиль буенча да аерылып торды. Конкурста катнашкан өчен барысы да грамоталар һәм сувенирларга лаек дип табылды.
Бу конкурс сәнгать-иҗади сәләтләрне үстерүгә генә түгел, ә Яңа ел бәйрәмнәре алдыннан балаларда күтәренке эмоциональ атмосфераны булдырырга мөмкинлек бирде, шулай ук балалар-ата-аналар мөнәсәбәтләрен ныгытты