Түбән Кама социаль приютында тәрбияләнүчеләр спорт марафонында катнашты

2018 елның 14 декабре, җомга

"Мин сәламәт яшәү рәвешен сайлыйм" – Түбән Кама районының "Балкыш" балалар һәм яшүсмерләр өчен социаль приютында тәрбияләнүчеләр арасында спорт марафоны әнә шул шигарь астында узды.

Тәрбиячеләр балаларны спортка җәлеп итү аша үз сәламәтлекләренә аңлы мөнәсәбәтнең әһәмиятен аңларга ярдәм итү максатын куйды. Олимпия уеннарының барлыкка килүе турында өлкән малайлар төркеме белемнәрен күрсәтте, ә кызлар бердәмлекләрен раслады.

Ярышлар яшүсмерләргә дә, сабыйларга да юнәлдерелгән иде. Төрле ярышлар зур куаныч уятты.

Тәрбиячеләр раслаганча, мондый чаралар берәмлек, ярдәмчеллек хисе тәрбияли һәм сәламәтлек, яхшы кәеф ягына таба бер адым булып тора.