"Веста" үзәге карамагындагы балаларга "Карнавал" курчак театры килде
Инвалидлар декадасы кысаларында «Веста» үзәгендә социаль хезмәт алучы балалар һәм аларның әти-әниләре өчен «Карнавал» курчак театрының «Куянкай бәхете» дип аталган спектакле белән хәйрия чыгышы оештырылды.
Үзәк карамагындагыларга кунакка Тылсымлы урман кешеләре: кызыклы куяннар һәм аның әнисе, акыллы поши, игелекле һәм тәрбияле Ромашка, шулай ук башка җәнлекләр килде. Гади һәм аңлаешлы формада балалар үзләрен өйдә һәм урамда ничек тотарга кирәклеген, этикетның нәрсә икәнен һәм ул кагыйдәләрнең ни өчен кирәклеген белде. Балалар бик теләп җырлады, биеде, укыды һәм әкият персонажлары өчен күнегүләр кабатладылар һәм куянкайга әнисен табарга ярдәм иттеләр.
Һичшиксез, бу көн кечкенә тамашачылар хәтерендә калачак, чөнки ул балаларга яңа тәэсирләр һәм яхшы кәеф алып килде. Спектакль ахырында балалар һәм аларның әти-әниләре театр актерларына рәхмәт белдерде һәм үз-үзеңне дөрес тоту кагыйдәләрен үтәргә вәгъдә бирделәр.