"Веста" белгечләре ата-аналар җыелышнда катнашты
“Веста” үзәге белгече Лилия Камалова, социаль педагог Ольга Тугашева һәм психолог Наталья Емельянова "Гаилә һәм мәктәп хезмәттәшлеге - баланың уңышының мөһим шарты" дигән темага уздырылган ата-аналар җыелышында катнашты.
Максат: ата-аналарның психологик-педагогик белемнәрен күтәрү, "Веста" үзәге тарафыннан күрсәтелә торган социаль хезмәтләр турында мәгълүмат бирү.
Белгеч чарада катнашучыларга "Веста" үзәге тарафыннан күрсәтелә торган социаль хезмәтләр турында җентекләп сөйләде.
Социаль педагог укытучыларның һәм ата-аналарның балалар белән уртак эшенең әһәмияте турындагы мәсьәләне күтәрде. Үзәк психологы балаларга нинди дәресләр үткәрелүе, социаль хезмәтләр алучылар белән эшләү формалары һәм методлары турында бәян итте. Аннары "Яшүсмерләрнең экстремаль мавыгулары" темасына бөтендөнья челтәре һәм заманча мультфильмнар китергән куркынычлыклар турында мәгълүмат бирү, яшүсмерләрнең экстремаль мавыгулары турында белемнәр формалаштыру һәм гаиләдә алар белән конструктив аралашуны җайга салу максатыннан зур булмаган профилактик лекция үткәрде.
Балалар ышаныч телефоны турында сөйләде. Аннары белгечләр социаль хезмәтләр алуга ихтыяҗны ачыклау максатыннан, катнашучылар арасында сораштыру үткәрде.
Ата-аналар докладчыларны зур кызыксыну белән тыңлады, күп санлы сораулар бирде. Очрашу ахырында барысына да "Веста" үзәге хезмәтләре, “Интернет куркынычсызлыгы”, “Балалар ышаныч телефоны” дигән мәгълүмати буклетлар таратылды.