Теләчедә Инвалидлар декадасы
1 декабрь көнне Теләченең район мәдәният йортында волонтерлар белән берлектә Инвалидлар декадасына багышланган бәйрәм чарасы булып узды.
Бәйрәмдә катнашучылар өчен күп кенә чаралар оештырылды:
- район оешмалары белгечләре катнашында “Түгәрәк өстәл”;
- кул эшләре күргәзмәләре;
- мөмкинлеге чикләнгән балалар һәм өлкәннәр чыгышы;
- мөмкинлекләре чикле булганнар өчен спорт ярышлары;
- гаилә һәм балаларга социаль ярдәм итү бүлекчәсе белгечләре һәм волонтерлар белән берлектә “Торцевание”, “Рисование углем” мастер класслары уткәрелде. Бәйрәм “Авылга кызлар килә” спектаклен карау белән тәмамланды.
Яңа Чишмә интернат-йортында инвалидлар көнен бәйрәм итү быел район мәдәният йорты артистлары концерты һәм котлаулары белән башланып китте. Инвалидлар декадасында интернатта социаль хезмәт алучылар өчен күп кенә чаралар планлаштырылган.