"Ялкын" приютында Ватан геройлары көне чаралары старт алды
Бөгелмәнең "Ялкын" балалар һәм яшүсмерләр социаль приютында Ватан геройлары көне уңаеннан төрле чаралар үткәрелә.
Балаларны әлеге дата белән таныштыру "Ватан геройлары" презентациясен караудан башланды, анда балалар бу көнне 1769 елда Екатерина II Изге Георгий ордены – сугышта батырлык күрсәткән сугышчылар өчен иң югары хәрби бүләк - Изге Георгий ордены гамәлгә куелуын белде.
Бөек Ватан сугышы ветераннарына һәм барлык бөгелмәлеләргә хөрмәт йөзеннән ялкынлылар "Бөгелмә солдат шинелендә" дигән рәсем күргәзмәсе оештырды.
"Ватан тарихы: вакыйгалар, кешеләр" интеллектуаль уенында катнашып, балалар үзләрен янгыннан, су басудан һәм җир тетрәүдән коткаручы герой-якташларыбыз турында мәгълүмат белән бүлеште.
"Герой булып тумыйлар, геройлар булып тәрбияләнәләр" дигән тарихи-танып белү сәгате барышында бер бала Батырлык ордены кавалеры булган Россиянең иң яшь гражданины турында сөйләде.