4 декабрьдә Инвалидлар декадасы уңаеннан Югары Ослан өлкәннәр һәм инвалидлар өчен интернат-йортында Казанның 80нче мәктәбенең сәнгать эшләре буенча укытучысы Ольга Мифтахетдинова социаль хезмәт алучылар белән кәгазьпластикасы буенча мастер-класс үткәрде.
Мастер җитәкчелегендә интернат-йортта яшәүчеләр бик теләп кәгазьдән матур чыршылар, йолдызлар, шарлар, ай рәвешендәге яңа ел эшләнмәләрен, чыршы һәм бинаны бизәргә кыңгыраулар ясадылар. Мастер класста катнашучылар бик күп уңай эмоцияләр алды.