Баулыда #ЮмартСишәмбе акциясе

2018 елның 4 декабре, сишәмбе

2018 елның 19-23 ноябрендә Баулы муниципаль районында "Шәфкатьлек" халыкка социаль хезмәт күрсәтү комплекслы үзәгендә күп балалы, аз керемле гаиләләр өчен кирәк-яраклар, азык-төлек, канцелярия товарлары җыю буенча хәйрия акциясе узды.

Әлеге акциянең максаты - аз керемле гаиләләр проблемаларына җәмәгатьчелек игътибарын җәлеп итү, аларга ярдәм күрсәтү, кешеләрнең гаилә проблемаларына карата дустанә мөнәсәбәт тудыру, игелеклелек һәм шәфкатьлелек тәрбияләү.

Хәйрия акциясе барышында: балалар әйберләре, аяк киеме, йорт рәхәте һәм җылылык булдыру өчен предметлар җыелган иде. 28 ноябрьдә аларның барысы да районның һәм шәһәрнең мохтаҗ гаиләләренә тапшырылды.