Бөгелмәнең хезмәт базарында нинди һөнәрләргә ихтыяҗ бар?

2018 елның 5 октябре, җомга

Бөгелмә халыкны эш белән тәэмин итү үзәгендә Өлкәннәр көненә багышланган вакантлы эш урыннары ярминкәсе узды. Вакантлы эш урыннары ярминкәсенә пенсия алды яшендәге пенсионерлар һәм хезмәт эшчәнлеген дәвам итәргә теләгән кешеләр чакырылган иде.

Бу көнне "Бөгелмә сөт комбинаты" ҖЧҖ, "Бөгелмә ПТС" ҖЧҖ, "ШПИ "Реабилитация" ҖЧҖ, "Юность" балалар һәм яшүсмерләр спорт мәктәбе, Бөгелмә районы буенча ведомстводан тыш сак бүлеге үз вакансияләрен тәкъдим итте. Күрсәтелгән предприятиеләргә идарәнең дежур пульты, пешекче, цехта эшчеләр, җитештерү һәм хезмәт биналарының җыештыручылары, урам җыештыручылар һәм төрле эшләр таләп ителә.

Ярминкәдә 30га якын кеше катнашты, берничә кандидат эш бирүчеләр тарафыннан тикшерелә, 1 кеше эшкә урнаштырылды.