Татарстан Республикасы Хезмәт, халыкны эш белән тәэмин итү һәм социаль яклау министрлыгы

Чистайда социаль-психологик реабилитациягә ихтыяҗ күргән яшүсмерләргә хәрби-патриотик тәрбия бирүнең нечкәлекләре турында фикер алышынды.

2012 елның 30 марты, җомга

Чистай районында “Социаль – психологик тернәкләндерүгә мохтаҗ булган балигъ булмаган балаларны хәрби-патриотик тәрбияләү” буенча республика семинар – практикумы үтте.

Әлеге чара ТР Хезмәт, мәшгульлек һәм социаль яклау министрлыгы, “Көзге” республика халыкка социаль – психологик ярдәм күрсәтү үзәге, Чистайның “Салават күпере” гаилә һәм балаларга социаль ярдәм үзәге һәм “Җылы йорт” балалар һәм яшүсмерләр өчен социаль ятимнәр йорты катнашында узды.

Семинарда гаилә һәм балаларга социаль ярдәм үзәкләре директорлары, психологлары hәм социаль эш белгечләре катнаштылар.

Чара барышында “Көзге”үзәге директоры урынбасары Ирэна Боброва хокук бозуларга сәләтле булган балигь булмаган балаларны хәрби-патриотик тәрбияләүне оештыруга методологик ысуллар турында сөйләде.

Тернәкләндерү чара программасы буларак (волонтерлар катнашында) балигь булмаган балаларны хәрби хезмәткә әзерләү белән “Көзге” үзәгенең бүлек җитәкчесе вазыйфаларын башкаручы Татьяна Григоренко таныштырды.

Хокук бозуга сәләтле булган балигь булмаган балаларны социаль-психологик тернәкләндерү ярдәмендә үз-үзен тоту күнекмәләренә өйрәтү турында Яшел Үзәннең “Оя” ятимнәр йорты директоры урынбасары Елена Ярандаева бәян итте.

Шулай ук семинарда катнашучылар “Батырлык! Хәтер! Җиңү!” хәрби-патриотик тәрбия программасы презентация тәкьдим ителде.

Тәрбиягә авыр бирелешле 15-17 яшьлек яшүсмерләр белән төзәтү- тернәкләндерү эшендә психологик технологияләр белән таныштыручы мастер-класслар чарада катнашучыларда зур кызыксыну уятты.

Чарада катнашучыларның барысына да семинарда катнашу турындагы сертификатлар тапшырылды.

БАРЛЫК ЯҢАЛЫКЛАРНЫ УКУ