"Миндә музыка яши": "Өмет яры"нда яңа проект!
Менделеевск районының "Өмет яры" үзәге базасында "музыка яши" дигән проект тормышка ашырылачак.
Аны гамәлгә ашыру Татарстан республикасында "ЛУКОЙЛ" социаль һәм мәдәни проектларының республика конкурсында җиңү аркасында мөмкин булды. Әлеге проект эшчәнлегенә гаиләгә һәм балаларга социаль ярдәм күрсәтү бүлегендә торучы яшүсмерләр җәлеп ителәчәк.
Проектның максаты - музыка терапиясе техникаларын кулланып файдалы ял оештыру.
Музыкотерапиянең инновацион техникасы яшүсмерләр белән профилактик эш алып баруга органик рәвештәкулланыла. Балигъ булмаганнарның "миндә музыка яши " яшүсмерләр клубында катнашуы, аларның ялын оештырырга, кызыклы эшчәнлеккә җәлеп итәчәк, ә музыкотерапия техникасы эмоциональ, мотивация һәм ихтыяр өлкәләрендә кайбер хокук бозуларны җиңәргә ярдәм итәчәк.
Шөгыльләнү барышында төркемдә катнашучылар музыка тыңларга гына түгел, музыка уен коралларында уйнарга да өйрәнәчәк, иҗади сәләтләрен ачачак, аралашучан, ышанычлы, актив булачаклар, ди белгечләр.