Мәшгульлек үзәге белгечләре махсуслаштырылган вакансияләр ярминкәсенә нәтиҗә ясады

2018 елның 19 сентябре, чәршәмбе

2018 елның 14 сентябрендә Яшел Үзәндә мөмкинлекләре чикләнгән гражданнар өчен махсуслаштырылган вакансияләр ярминкәсе уздырылды.

Вакансияләр ярминкәсендә шәһәр һәм районның 5 предприятиесе, оешмасы катнашты:ФДКУ "Междуречье” комбинаты, “УК Старт-3” ААҖ, "Еврокомплект" ААҖ , “Майский” ААҖ теплица комбинаты, “А.М. Горький исемендәге Яшел Үзән заводы. Эш бирүчеләр тарафыннан 9 вакансия тәкъдим ителде.

Вакансияләр ярминкәсенә 24 кеше килде, алар эшкә урнашу, профессиональ, өстәмә профессиональ белем, шулай ук эшмәкәрлек эшчәнлеге һәм үзешчәнлек сораулары буенча консультация алдылар.