Шәһәр предприятиеләрендә вакытлы эш урыннары тәкъдим ителә
Эш эзләүдә кыенлыклар кичерүче эшсез гражданнар өчен хезмәт белән тәэмин итүнең өстәмә гарантияләрен күрсәтү максатларында Әлмәт шәһәре мәшгульлек үзәге, шәһәр һәм район предприятиеләрендә, аларның милек формаларына бәйсез рәвештә, предприятиеләр һәм мәшгульлек хезмәте арасында төзелә торган килешүләр нигезендә вакытлыча эш урыннары оештыра.
Вакытлыча эшкә урнаштыру өчен төп эш төрләре: кәгазьләр белән эшләүче, ярдәмче эшче.
Эш бирүче белән вакытлыча хезмәтләрдә эшләргә теләүчеләр арасында ашыгыч хезмәт килешүе төзелә. Андый гражданнарга хезмәт өчен түләү предприятие тарафыннан предприятиедә гамәлдә булган хезмәт өчен түләү шартлары яки килешү нигезендә фактта башкарылган эш күләме өчен түләнә, ләкин ул РФ законнары белән билгеләнгән минималь хезмәт хакы күләменнән дә түбән булырга тиеш түгел.
Халыкны эш белән тәэмин итү үзәге тарафыннан вакытлыча хезмәткә урнашу вакытында эшсез гражданнарга 2125 сум күләмендә матди ярдәм күрсәтелә.
Әлеге программада катнашу буенча сораулар булса халыкны эш белән тәэмин итү үзәгенә 32-34-94 телефон номеры буенча яки 110 нчы бүлмәгә мөрәҗәгать итәргә мөмкин.